×
Insalvaw l-aħħar wirt storiku tal-Fgura
Aldo B.
started this petition to
Prim Ministru
13 ta’ Mejju 2020
Insalvaw l-aħħar wirt storiku tal-Fgura
Onorevoli Prim Ministru,
Fid-dawl tal-fatt li l-appell tal-Kunsill Lokali tal-Fgura lill-Awtorità tal-Ippjanar jista’ jintilef, bħala resident tal-Fgura, nitolbok tintervjeni biex insalvaw wieħed mill-aħħar irziezet antiki li jmur lura madwar 200 sena.
Il-Kunsill Lokali tal-Fgura ilu s-snin għaddej bil-ħidma tiegħu biex jipproteġi dan ir-razzett li jinsab faċċata tal-każin tal-banda, fi Triq Hompesh. Madankollu, is-sistemi li bihom jaħdmu l-Awtorità tal-Ippjanar u l-Gvern ma jagħtux sikurezza li dan il-post jibqa’ eżistenti, anke jekk l-Awtorità tal-Ippjanar tiddeċiedi li tagħti grad għoli.
Bħalma taf, dan ir-razzett qiegħed f’art privata u għal dawn l-aħħar snin ġie abbandunat u madwaru nbnew ħitan għolja li għattewh kompletament. B’hekk, dan il-post inħeba minn għajn in-nies u qed jitħalla jaqa’ f’biċċiet. L-unika triq li għandu l-Gvern hija li jaqbad il-barri minn qrunu u jixtri l-art li fiha hemm wieħed mill-aħħar simboli tal-Fgura antika.
Permezz tal-akkwist tar-razzett, apparti li l-Gvern ikun irrestawra u pproteġa verament il-post biex jitgawda kemm mir-residenti u l-għaqdiet tal-Fgura kif ukoll mill-bqija tal-poplu Malti, dan jista’ jiġi kkonvertit f’mużew u ċentru tal-laqgħat u tagħlim għall-studenti u bħala attrazzjoni turistika.
Bħala ċittadin li joqgħod f’waħda mill-aktar toroq traffikużi fil-pajjiż, jiena konxju li r-residenti qed jiffaċċjaw ħafna problemi fil-lokalità, fosthom problemi ta’ saħħa mit-tniġġis tat-traffiku kbir.
Fil-Fgura m’għadniex ġnien pubbliku wieħed u l-lokalità hi mifnija b’ħafna bini li, issa tant għola, li l-knisja tal-lokal difnuha wkoll. Infakkrek ukoll li l-ewwel knisja tal-Fgura kienet inqerdet biex tinbena t-triq prinċipali, u magħha ntradmu wkoll l-oqbra puniċi tal-istess ż-żona.
Fil-Fgura ilu ma jsir proġett ambjentali s-snin, u għalhekk il-Gvern għandu jieħu din l-okkażjoni biex jirregala din l-art lill-poplu Fguri bħala kumpens żgħir għat-tbatijiet li jgħaddi minnhom u għall-mard li jħabbat wiċċu miegħu b’riżultat tal-iżvilupp xejn sistematiku li sar fil-lokalità.
Inselli għalik,
Aldo Busuttil
Insalvaw l-aħħar wirt storiku tal-Fgura
Onorevoli Prim Ministru,
Fid-dawl tal-fatt li l-appell tal-Kunsill Lokali tal-Fgura lill-Awtorità tal-Ippjanar jista’ jintilef, bħala resident tal-Fgura, nitolbok tintervjeni biex insalvaw wieħed mill-aħħar irziezet antiki li jmur lura madwar 200 sena.
Il-Kunsill Lokali tal-Fgura ilu s-snin għaddej bil-ħidma tiegħu biex jipproteġi dan ir-razzett li jinsab faċċata tal-każin tal-banda, fi Triq Hompesh. Madankollu, is-sistemi li bihom jaħdmu l-Awtorità tal-Ippjanar u l-Gvern ma jagħtux sikurezza li dan il-post jibqa’ eżistenti, anke jekk l-Awtorità tal-Ippjanar tiddeċiedi li tagħti grad għoli.
Bħalma taf, dan ir-razzett qiegħed f’art privata u għal dawn l-aħħar snin ġie abbandunat u madwaru nbnew ħitan għolja li għattewh kompletament. B’hekk, dan il-post inħeba minn għajn in-nies u qed jitħalla jaqa’ f’biċċiet. L-unika triq li għandu l-Gvern hija li jaqbad il-barri minn qrunu u jixtri l-art li fiha hemm wieħed mill-aħħar simboli tal-Fgura antika.
Permezz tal-akkwist tar-razzett, apparti li l-Gvern ikun irrestawra u pproteġa verament il-post biex jitgawda kemm mir-residenti u l-għaqdiet tal-Fgura kif ukoll mill-bqija tal-poplu Malti, dan jista’ jiġi kkonvertit f’mużew u ċentru tal-laqgħat u tagħlim għall-studenti u bħala attrazzjoni turistika.
Bħala ċittadin li joqgħod f’waħda mill-aktar toroq traffikużi fil-pajjiż, jiena konxju li r-residenti qed jiffaċċjaw ħafna problemi fil-lokalità, fosthom problemi ta’ saħħa mit-tniġġis tat-traffiku kbir.
Fil-Fgura m’għadniex ġnien pubbliku wieħed u l-lokalità hi mifnija b’ħafna bini li, issa tant għola, li l-knisja tal-lokal difnuha wkoll. Infakkrek ukoll li l-ewwel knisja tal-Fgura kienet inqerdet biex tinbena t-triq prinċipali, u magħha ntradmu wkoll l-oqbra puniċi tal-istess ż-żona.
Fil-Fgura ilu ma jsir proġett ambjentali s-snin, u għalhekk il-Gvern għandu jieħu din l-okkażjoni biex jirregala din l-art lill-poplu Fguri bħala kumpens żgħir għat-tbatijiet li jgħaddi minnhom u għall-mard li jħabbat wiċċu miegħu b’riżultat tal-iżvilupp xejn sistematiku li sar fil-lokalità.
Inselli għalik,
Aldo Busuttil
Posted
(Updated )
Report this as inappropriate
There was an error when submitting your files and/or report.